В. А. Мішчанчук неаднаразова з’яўляўся старшынёй і членам журы міжнародных і рэспубліканскіх тэатральных конкурсаў і фестываляў прафесійнай і дзіцячай творчасці ў Беларусі, Расіі, Украіне, Малдавіі, Турцыі, Швецыі, Германіі і інш.
За час працы ў Акадэміі ў якасці педагога і мастацкага кіраўніка курсаў В. А. Мішчанчук выпусціў больш за 80 спецыялістаў у сферы тэатра, кіно і тэлебачання, якія паспяхова працуюць у творчых калектывах Беларусі, Расіі, Бельгіі, Італіі, Літвы і іншых краін свету. Многія з іх з’яўляюцца лаўрэатамі і дыпламантамі міжнародных і рэспубліканскіх фестываляў, стыпендыятамі Спецыяльнага фонду Прэзідэнта РБ па падтрымцы таленавітай моладзі.
Уладзімір Андрэевіч з’яўляецца членам рэктарата і Савета Акадэміі, членам вучэбна-метадычнага савета, старшынёй Савета тэатральнага факультэта, членам камісіі Спецыяльнага фонду Прэзідэнта РБ па падтрымцы таленавітай моладзі пры Міністэрстве культуры Рэспублікі Беларусь .
Мае сем друкаваных работ, у тым ліку чатыры вучэбна-метадычныя дапаможнікі, сістэматычна выступае ў перыядычным друку, на Беларускім тэлебачанні і радыё з палемічнымі і інфармацыйнымі паведамленнямі аб праблемах і дасягненнях у тэатральным жыцці і аб выхаванні творчай моладзі.
Вядучы майстар сцэны у Тэатры-студыі кінаакцёра пры кінастудыі «Белорусьфильм», сістэматычна здымаецца ў кіно, на тэлебачанні, выступае на беларускім радыё. За даўгалетняе творчае жыццё, Уладзімірам Андрэевічам Мішчанчуком сыграна больш за сто роляў у тэатры, кіно, на тэлебачанні і радыё. |
| В. А. Мішчанчук з’яўляецца пераможцам конкурсу “Чалавек на сваім месцы «і ўзнагароджаны Ганаровай граматай і знакам» Лідар года – 2001″ Камітэта па адукацыі Мінскага гарадскога выканаўчага камітэта.
У 2001 годзе прысвоена званне лаўрэата прэміі Федэрацыі прафсаюзаў Беларусі ” за сыграныя ролі ў тэатры і кіно. За выхаванне падрастаючага пакалення творчай моладзі”.
У 2002 годзе прафесару В. А. Мішчанчуку прысуджана спецыяльная прэмія Прэзідэнта Рэспублікі Беларусь за выдатныя дасягненні ў сферы прафесійнай дзейнасці ў намінацыі «за выхаванне творчай моладзі».
Узнагароджаны нагрудным знакам Міністэрства культуры Рэспублікі Беларусь «за ўклад у развіццё культуры Беларусі» (2006),
юбілейным медалём ЦК прафсаюзаў работнікаў культуры «за доблесную працу» (2006), медалём Францыска Скарыны (2007),
а таксама ганаровымі граматамі Пастаяннага камітэта Саюзнай дзяржавы Беларусь-Расія, Міжнароднай акадэміі Тэатра,
Міністэрства культуры Рэспублікі Беларусь, Мінгарвыканкама, Першамайскага райвыканкама г. Мінска, Федэрацыі прафсаюзаў беларускай,
ЦК прафсаюзаў работнікаў культуры, Беларускай дзяржаўнай акадэміі Мастацтваў. |